Mon Cash se yon sèvis jesyon lajan ki pèmèt kliyan ki anrejistre fè tranzaksyon finansye nan telefòn mobil yo. Digicel Ayiti ofri sèvis sa a an patenarya avèk Sogebank.
Se yon fason ki pi rapid e pi pratik pou rechaje kont ou oswa kont pròch ou, voye epi resevwa lajan ak fè peman bòdwo, achte plan.
Se yon kont ki gen lajan ou depi ou te anrejistre nan sèvis la. Bous mobil ou a pwoteje pa yon kòd sekrè pèsonèl, kidonk, ou se sèl moun ki ka gen aksè sou kont lan pou fè tranzaksyon w yo.
Kont Mon Cash la lye ak nimewo telefòn ou (SIM kat); egzanp, si ou itilize kat SIM nan sou yon lòt telefòn, kont ou ap toujou disponib sou nouvo telefòn ou a.
Si ou pèdi telefòn ou oswa kat SIM nan, rele sèvis kliyan Digicel la imedyatman leu w konpoze 202 pou Digicel bloke kont ou e sekirize lajan ou genyen sou kont Mon Cash la. Kou kat SIM nan ranplase, kont la ka louvri ankò ak menm kantite lajan li te genyen anvan li te bloke a.
Remak: Pou pi bon asistans ak sèvis Mon Cash, tanpri rele liy 202, apèl la gratis epi liy lan disponib nan 7 am-7 pm oubyen klike la a.